Dyr som skal transporterast, skal vere skikka for transport og i stand til å gjennomføre den planlagde reisa, utan at det er fare for unødig smerte eller liding for dyret.
Dyr som er sjuke, skadde eller har ein fysiologisk skavank, er ikkje å sjå som eigna til transport. Dette gjeld særleg:
- Dyr som ikkje kan røre seg utan smerter eller gå utan hjelp
- Dyr som har eit alvorleg opent sår eller ein prolaps
- Dyr som er meir enn 90 prosent inne i drektigheitstida
- Dyr som har født i løpet av den siste veka
- Nyfødde pattedyr når navlen ikkje er tørka inn
- Hundar og kattar under åtte veker, utan følgje av mor til dyret
- Svin yngre enn tre veker, lam yngre enn ei veke og kalvar yngre enn ti dagar,
- Unnateke når transporten er på mindre enn 100 kilometer
- Hjortedyr i det tidsrommet takkane veks ut
I nokre tilfelle, om dyra er lettare skadd eller sjuke og ikkje vil få ytterlegare liding som følgje av transporten, kan sjuke eller skadde dyr likevel vere skikka for transport. Er du i tvil om eit dyr er skikka til transport, skal du be om råd frå veterinær.
Regelverk
Tilsynsmyndighet
Har du spørsmål, ta kontakt med:
