I all omgang med dyr skal du ta omsyn til dyra sine eigne interesser og behov. Dyrevernlova stiller krav om at alle dyr som er i hald, skal ha tilgang til passande rom å vere i, fôr og stell, og vern mot sjukdom, unødig redsel og liding.
Det er ikkje vanleg å omsetje levande dyr til konsum i Noreg. Unntaket er sal av fisk og krepsdyr som hummar og krabbe.
Fisk og hummar skal haldast i akvarium med tilstrekkeleg plass. Hummaren, som er nattaktiv og lyssky, skal ha moglegheit til å gøyme seg bort, og tilgang til skyggefulle område. Temperaturen bør liggje nært opp til den temperaturen fiskane eller hummaren er omgitt av i det fri. Vidare er både fisk og hummar avhengige av passande vasskvalitet (saltinnhald, pH, oksygeninnhald, bakterieinnhald etc.). Hummar bør i prinsippet bli fôr, med mindre perioden hummaren er i hald før sal er svært kort. Klørne til hummaren skal bindast med brei strikk om det er fleire enn eitt dyr i akvariet.
Fisk og hummar haldast til vanleg under forhold som er svært forskjellige frå forholda i biotopane dei er vante med. Derfor bør haldperioden vere så kort som mogleg.
Framvising av dyr
Framvising av fisk er tillate. Framvising av alle andre dyr krev løyve frå Mattilsynet. Sjølv med løyve kan du ikkje stille ut fisk eller krepsdyr som hummar i vindauge. Både krepsdyr og fisk stiller krav til temperatur og lysstyrke, og må derfor haldast i akvarium der du kan kontrollere miljøfaktorane, noko ein ikkje ser som mogleg i eit vindauge. Også framvising som reklame eller pynt krev løyve.
Regelverk
Tilsynsmyndighet
Har du spørsmål, ta kontakt med:
