Produksjonsdyr skal få stell frå tilstrekkeleg mange personar. Desse personane skal ha tilstrekkelege evner, kunnskapar og fagleg kompetanse til å ta vare på velferda til dyra.

 

Dette inneber at du som eig produksjonsdyr, og andre med ansvar for dyrehaldet, må ha nødvendig kunnskap om driftsforma, dei mentale og fysiske behova til dyra og bestemmingane som regulerer dyrehaldet.
 
Frå 2010 skal du kunne dokumentere kompetansen i hald av småfe og svin.
 
Både du som eig storfe, og anna personell som steller og handterer dyra, skal frå 2009 gjennomføre eit utdanningsopplegg godkjent av Mattilsynet.
 
Dersom du eig eller har ansvar for strutsefuglar, skal du ha gjennomgått eit kurs i hald av struts. Kurset skal vare i minst to veker, og det må vere godkjent av Mattilsynet.